Venus

---A VENUS---  Paula Nieddu (Black)

Chi Venus sese,

Venere no ti cues

sas melas de dulzor' imboligadas;

illonghia sos pese

e no t'annues

ca sa prus bella sese de sas fadas;

ammustrami sa cara

sa galania jara

de cavanos e laras tant' amadas...

...ca nuda ses bestida

de suaves sentidos colorida...

Natale E Ornella Tamponi 

‎#
Ma sa bellesa este unu lussu
tantu mazore cantu est cuada,
su fortunadu chi l'at agattada
la mirat e nde sighidi su flussu
mancar'a fura ca est ammuntada.
Su bellu l'iet proppiu in cussu
birgonzosu modu 'e la cuare,
ca bi la faghet pius tant' amare. #

Lacrime Di Stelle Una 

‎*
oh mamma suberana 
de versos ser bestida 
de venus colorida 
pro ti fagher galana

bella mamma suberana 

cun carri vellutada 
e de coraddu laras
che mele oro craras 
inoghe sese intrada 

bella mamma i m'agrada 

e mi fagher visita 
cun gioiosos cantos
aligras tottugantos 
cun sa lughe in sa vista

mamma natura artista . 

Filomena Canu 

Toccami dove il vuoto ha spaccato
le fessure 
che il letargo si compia
apri il nervo
slega i polsi per confinare
la notte nel volo
dell'alba.
Con dita sapienti
disegna le labbra del cuore
apri al brivido la schiena
deponi silenti baci ad aprire
la fronte
e scombina le ferite
perché forte sia il tocco
e il sentire spinto.
Si in questo luogo senza recinti
dentro gli aperti spazi sconfinati
aprimi fiore
che sboccia adagio
in silenzio chiudimi di te
e con il calore del brivido
fammi poesia che vede

Lussorio Cambiganu 

Si tue Venus ses
Aite no faeddas
E das sa cara a su mun’ intreu
De sos sentidos tres
Coro, ojad’ unneddas
Mustralos tue chena perun’ anneu
De cussa timoria
Tue faghes maja
Pro poder conchistare coro meu
Ma ti lu torr’ a narrer
d’ inter’ umanidade ses piagher.

giamad' a s'apellu de ti' Austinu poeta de 95 annos

Giamad’ a s’apellu a de ti’ Austinu

Austinu Nieddu , 95 annos de Lei:

Frima s'est sa rod' 'e sa poesia
in ferias poetes sunt andados
no este chi si sunt imentrigados
de prosighire sa vena nodìa
cand'ant esser de nou rientrados
chi la torrent allegra e prus bia...
...pritte chi sos poetas si amudant
sa candela poetica s'istudat...

Deo no lu naro pro rimproveru
dognun'est mer' a inue andare
s' idea de un' 'ezzu e poveru
est chi no est cos' 'e irbandonare
ne de che la ponner in ricoveru
ca es cosa fitian' 'e gosare...
...ammentadebos semper d' una cosa
chi sa poesia est ispassosa...

Francesco Nolis ‎*

eccomi presente tzi'austinu
ma poeta no mi potho giamare
ca no tenzo cussu donu divinu
deus no mi l'ha cherfidu donare
in ferias non soe miserinu
mai 'nde appo pottidu gosare
e in cust'era dae mal' in peus
parimos castigados dae deus

Francesco Canova 

Iscusade o tiu Austinu
su talentu como s'est riposende
ca su caldu est tropo fatatende
amus bisonzu de umbra umbrinu
e sisi buffada calchi tazza de inu
sas venasa subitu sun'arterende
esende tropo forte sa calura
ispetamus a cado est fiscura..

Salvatore Sini 

Nieddu...a tie gaghimus s'inchinu
ca pur'apende cussa bell' edade
mantenes sensos e cherveddu finu
ca musa ses de bona calidade.
A malu no la lees Austinu
ca cun tegus torramus a cantare.
No finit mai sa ozza...maicantu
e amus a torrare ...in bonu cantu.



Lacrime Di Stelle Una 

‎* oh
tziu austinu non tenzada idea
si calencunu este inoghe assente
e si custus faeddos lu recrea
torro cun custa strofa a su presente
si puru scarsa ès custa rima mea
in rima lu saludu caramente
si puru spesso mi devo assentare
de zertu no ès ca m'apo a irmentigare .

Giuseppe Pintore

No amus finidu sas provistas,
pro chi sa poesia no es costante.
Onni tantu torramos a sas pistas
mancari como pagu si cante.
In s'istiu cantan'is professionistas
e si cagliana sos diletante.
In s'ijerru de nou bi semus fissos
cantamus nois e si caglian'issos.

Pero rejone tenet tiu Austinu
como sa zente es vacantziera.
Caronte cun Minosse in carrera
cun su calore bi fin de continu.
Como Ulisse nos faghet a bisera
E sos poetas non tenen pedinu.
De si setzere un'uscuta a cantare
c'a sa poesia preferini su mare.

Lussorio Cambiganu

 Sas bostras sun paraulas nodidas
Chi falan dae s’aera cristallina
Zeltus sas musas no cheren olvidas
Ca nos s’ atacan che sa ‘erighina
Cando sas poesias sun finidas
Totu su mundu si falat a chejina
Est propriu gai comente narat isse
Tzi’ Austinu.. tand’ est s’apocalisse.

Deus

Deus

Deus it’ est ? si no cussu cossolu

d’ esser  in cumpanzia ‘onzi mamentu,

no timmer mai de restare  solu

mancu cando  ses in  mancamentu.

Fuis  lestru da’  onz’ oriolu

s’ ischis  de l’aer semper in ammentu,

Deus  est  faru e lughe  totue

bastat de  lu leare in coro  tue.

Isse  in su desertu  est presente

in chelu e  mare in montes e pianu,

sempre totue est in mes ‘ e zente

in  di’ e festa  e de fetianu.

Est un’ alenu  lebiu e silente:

ch’istat  in cor’ e Jesus  Cristianu,

de agnostigos,   ateos  e devotos

d’ateros  santos  finas no  reconnotos.

Deus  no  dat a niune sas palas

ca  est de totu  prinzipi’ e fine,

 est  s’ispiju   de ojos  in  caras

chi no apitan de s’ egu  su machine.

Sempr’ Iss’ est ..  cando  sorrisu in laras

apparit   in sa femin’ e s’omine,

chi sun innanti a su cuspetu Sou

rinnovende s’ amore dae nou.

“Oh !!Deus meu.. ohi !! mamma mia”

Proite  totu a tie invocan??

Forzis  in sa frigura de Maria

isperan, e pro cussu  la pregan ?

Pessende  chi paraula bona diat

sos cosinzos e pes a issa toccan,

ma  sa Segnora Nostra Immaculada

nos cheret leare   a s’ abbrazada. 

Deus est   s’eternu,  est  s’ infinidu

s’ isteddu  luminos’ in note jara,

in  mente lu gighimus  remonidu

cand’ essit ... s’ illuminat sa cara.

Paret  atesu..  a  bias  mai  bidu

e puru  est  innoghe .. a donz’ ara,

est  sa fide.. su menzus sentimentu

pro ti sentire un’ astru in firmamentu

 

sa manig' e su zapu

Sa manig' e su zapu 

Sa manig’ e su zapu  s’ est  truncada

colpende  una  chelva  a s’imbessa,

de terra totu canta allorumada

In  mes’ e  una  raighin’ e chessa-

Salia bona  ma tot’ apoderada

un’ iscia,  dae meda fit arressa, 

apo pessadu  e bi ponner  pumata

chin sindia ,colcorija  e patata-

Truncada s’est sa manigh’ e su  zapu

chilchende  sa terr’ e ischelvare,

sa  furi’ e  su colpu  m’ est iscapu

chena poder  sa chelva  islvoligare.

Anzis  inie ch’ est restad’ a tapu

sighende  sa faina a  cumplicare,

intr’ e sa terra ch’ est restada s’ ata

in   mes’ e chessa  e fund’ e almurata.

De zapu  truncadu apo maniga

chilchende ‘e dare frutu  a custa terra,

issa si prestat che a bon’ amiga

ma no cheret  chi si fatat gherra.

Sos ojos  sun pienos de zimiga

in donzi bicu.. odiu e cuntierra,

si s’ essu bonu como no s’agatat

no b’ intrata zapu.. e no pienat mata. 

natura meravigliosa

Natura meravigliosa

La natura, ieri ho ammirato,

i confini appaiono  illimitati,

non c’è nulla di meglio che adorarla

spaziando con la vista dai monti al mare.

Adesso se ci riesco, passeggiando..

 illustro tutto, la campagna e i suoi  dintorni;

piante, fiori e frutti che son da desiderare,

è tutto una gioia, e provo un gran piacere.

Fra i sassi ed una pietra forata,

ho visto piante di susine e pere selvatiche,

cercando di raccoglierle mi son punto,

nel chiudere i varchi con una forca spuntata.

Altre siepi, ginestrone e olivastro,

cespugli di elicriso con api svolazzanti;

siepi di  ginestra  per fare una trapunta,

biancospino e rovo con more e una sola rosa.

Foglie di asfodelo con dentro il fiore

uso per fare utensili con giunchi a foglia ed aculei.

Insieme alla mazzasorda femmina e con la paglia,

stuoie e canestri e riassetto l’ovile diroccato.

Il lentischio ed il cisto, ho sempre davanti,

son forti e presenti, sono come la poiana,

fanno dei  frutti, buoni come il latte materno,

accendono i forni, e sono piante umili.

Che belle le piante di agrifoglio e asparagina,

decorano il Natale, gli danno colore e tono,

insieme all’asparago raccolgo la lavandula

per poter accendere la radica.

Con fasce di saggina e per restare in argomento

faccio delle scope, e letti duri come il tuono.

Mirto sempre presente, nero e bianco,

insieme al corbezzolo danno frutti belli e buoni.

Ricordo  l’elicriso insieme al sambuco

mi hanno fatto compagnia nei giochi d’infanzia.

Con l’euforbia e la ferula,  ho spazzato l’imbocco  del forno, come il naso con il moccio.

Non posso dimenticare gli olivastri.

l’antico ginepro, per quante arie che mi dia,

davanti a lui mi devo togliere il cappello,

la forza della natura, non ha pari con lui.

Gli alberi reali, adesso per completare:

leccio, sughera e quercia, più forti che mai,

quelli che ho dimenticato mi perdoneranno

per ottave uguali da comporre in rima.

Di qualcosa che ho detto, forse non è tutto così,

mi rendo conto di non essere “padre Luca “

e sotto un alaterno mi metto a riposare

e ammiro il mio paese più bello che mai.

su fogu (Pintore, Masia, Cambiganu, Canova)

su fogu

Giuseppe Pintore

Salude a totus una bona die
os'auguro de coro bella zente,
ma donni male e penas a chie
de sardigna brujat s'ambiente.

Inizio modulo

Lussorio Cambiganu 

A chie brujat de s’ incras onz’ ispera
De su progressu fatu chi giudisciu
Su fogu che los leet custa sera
E los agaten fatos a pudisciu

Chie no ponet cara ..ma bisera
In mes’ e zente istat a peldisciu
No at rispetu de s’umanidade
Ebbai bivet tota s’eternidade

Francesco Masia 

sos chi brujan s’ambiente 
giuttana sa cara brujada
e chie est gai fettente
non connoscada de cras manzanada..

Giuseppe Pintore ‎*

A chie brujadu mi l'at s'ortu
chi tenia costoidu che giardinu,
contrariu li enzat su destinu
chi a su sero bi arrivet mortu.

Giuseppe Pintore 

s'eternu riposu tenzat in su fogu
custa es s'unica pregadoria,
chi so lominos leadu s'at a giogu
a sa propia manera allutu sia

Francesco Masia 

siada alluttu dae manos suas
chi non drommada pius in cabidale
chi nd’è li sian segadas ambas duas
dae bonu serracu o a bistrale..

Lussorio Cambiganu 

Dae sa chejina bi naschet su fiore
Chi faghet in natura su riscatu
De omines sos males e s’errore
Muntenen custu mundu a ricatu

Issos sun chena gosu e ne core
E faghen chin dimoniu baratu
Li dan de custa terra sa bellesa
Pro aer in s’ ilferru eterna resa

Giuseppe Pintore ‎*

Lampu ca istadu lu ses abistu
ses pienu de donos seberaos,
in manos e in sos pes so jaos
ti cravene comente a Gesucristu.

Lussorio Cambiganu 

Isse no l’at fatu pro achistu
Ma solu pro lu bider distruende
Su gosu sou est cando fuende
Idet s’ aminu sou chin mefistu

Francesco Masia 

belenu li diana pius a pristu
chi crebede cras de morte mala
in tumba li ponzana effige e vistu
ismentigadu e postu a un’ala..

Lussorio Cambiganu 

Cussa colora chi b’est restada ‘ia
Iss’ est chilchende pro li donare frutu
De cussu fogu chi prima at allutu
Onzi dolore e penas li porriat

Giuseppe Pintore ‎*

De cussu male no at'a fuere
riservada pro issu es donni pena,
a lu ider durante sa vida terrena
pianu pianu valendesi a piuere.

Francesco Masia 

si sunu istudados los torrene alluere
si sunu alluttos nd’è siana istudados
in peus galera che siana cravados
in manera chi in vida non torrene annuere..

Lussorio Cambiganu 

Su fogu ‘e sant’ Antoni lu trummentet
Sa carre oltulada in malighinzu
Subra aghedu malu a diluente
impare a sa benzina in allughinzu

Giuseppe Pintore ‎*

Chi sa pedde li peset a prabastulas
e li jambet in peus sa figura,
pro su male non bi agatene cura
e che truncu bogadu siat a astulas.

Lussorio Cambiganu 

Gai comente cossumit su lominu
Tio cherer a isse brujare
S’ ischina pustis li tio mujare
Che a manig ‘e su cocerinu

Francesco Masia

 chi lis siana catzadas botzas e gulas
chi non torrene a bidere mandigu santu
siana pienos de lagrimas e piantu
ndè lis sian segadas tracheas e bulas...

Giuseppe Pintore ‎*

Be deo l'auguro custo frastimos
si movana che unu terremotu,
pero chi susu no li valan totu
ispero li valene nessi sos primos.

Francesco Masia 

siuna parte s’avverada faghimus inchinos
pro tottu su dannu chi an semenadu
si solu unu raju li fidi faladu
non aian appidu bisontzu de tantos frastimos ..

• Francesco Canova A su chi ada azzesu cussu luminu
  pro ponnere in cadura su fogu
  sos canese silulene a giogu
  finas cando s'icheste istrachende
  e os, canese silusian mandigende
  e non bi restede manco istintinu.
  

  
  

  
  
• 
  

  Francesco Canova
  
  deo cussa persone l'ignoro
  pro su chi ada fatu a dispetu
  marture gia restede in su letu
  non bepada pro issu afficu
  cun sas manos suas feted'impicu
  benzad cundanadu dae Sidoro.
  

  
  
  Francesco Canova

   gia bastaiadasa calura
• ma pruite bada postu fugu
  este pecadu brugiare su lugu
  cando sinde godidi sa zent'intrea
  e oe vivene tottu in pelea
  sa bona parte de sa cadura
  

  
  
• Francesco Canova
  
  a friastimare non'est giogu
  ma como gia mi ada cuntrintu
  dae su tumore benzad lintu
  dae sa conca finas a sos pese
  de vida non'apad pius de mese
  siada issu in cualuncue logu

Fine modulo