venerdì 5 dicembre 2014

abba serena










Abba serena

Sos lampos e sas lughes de s’ aera
Abberin  tempos e logos mezores
Sas  dies d’ abba  mudan sos colores
In terra  groga de sicagna bera
Si pesat  che sa neula  de s’ispera
De chie sempr’ at connotu dolores
Impare a sos disizos et errores
Resessit  a manera d’ esser  fiera

Passende  die chin die, onz’ istajone
Puzones emigrantes che sa zente
Su mundu  gai si movet  a sa sola

Totu  comente  s’ usu si che colat
Chi siat  in presse o puru lentamente
Che  finit che paraulas de sermone.



Nessun commento:

Posta un commento